معلومات تفيد المناعه

معلومات عن المناعه : 

1. معلومه انه الفيتامينات تقوي المناعه عليها علامه استفهام كبيره و ماكو بحث واحد يدعم هذه النظريه 

انه فلان شراب فيتامينات راح يقوي المناعه 

2. المثبت الوحيد فيما يخص الفيتامينات هو فيتامين دي شافوا انه الشعوب اللي فيتامين دي عدها قليل تنعدي اسرع و اكثر من غيرها 

3. حتى بحث يؤكد انه اللي فيتامين دي عندهم قليل تكون اصابتهم بالكورونا اشد 

4. بحوث من هنا و هناك تتحدث عن دور فيتامين سي بالعلاج من السعال و الرشح بس لحد الان اكو بحوث تنفي هذه العلاقه 

5. اي طعام من اطعمتنا المتنوعه و اللي تحاول قدر الامكان تكون صحيه هذا مستوى فيتاميناته جيده و ما يحتاج شي 

6. الامور اللي تدعم المناعه 

اولا النوم 

و ثانيا النوم 

و ثالثا النوم 

النوم يعيد تنظيم الجهاز المناعي 

7. الرياضه تقوي جهاز المناعه بس مع الاسف محرومين منها حاليا بسبب حراره جو البلد و كورونا اللي تارسه البلد 

8. اللي تريد هسه تقوي مناعتك عينن واحد كلشي ما قاري بالامتحان و دا يدبر برشومه ينجح بيها 

بس كولي اذب جكارتي و اقلل وزني اكولك عاشت ايدك قللت هوايه من نسبه اصابتك بمضاعفات شديده من الكورونا و غير الكورونا